كنوز الجنة
أهـــــلآ ومرحبآ بــكِ أختنا العزيزة
ندعوكى لتصفح المنتدى ولو حاز على إعجابك شرفينا بالتسجيل

ولو لم يعجبك لا نطلب الا دعوة بظهر الغيب عسى ربنا يرحمنا بها


 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 بسكويت توك tuc

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سائرة على درب الصحابيات
مؤسسة المنتدى
مؤسسة المنتدى


عدد المساهمات : 162
نقاطى : 443
الموقع : http://knoz.alamontada.com/

مُساهمةموضوع: بسكويت توك tuc   الإثنين أكتوبر 28, 2013 2:14 pm



اللهم صل وسلم وبارك على سيدنا محمد
السلام عليكم ورحمة الله وبركاتة
ازيكوا يااحلى اخوااات
يارب يسعد مساكم وصباحكم


النهاردة حبيباتي موضوعنا
عن البسكوت المملح توك




وطبعا اغلبنا بيحبه وبينفع اووي وقت المدارس
او الفطار احيانا نحب نغير او بين الوجبات ناكله تصبيرة وماشاء الله بيعمل كمية
رهيييييييبة وفيها البركة بفضل الله
وممكن نعمله بالجبنة
او بالملح عااادي


بسم الله المقادير السهلة جداااا

كوبين دقيق منخول مع معلقتين صغيرين بكينج بودر
صفار بيضة كبيرة - ربع كوب حليب + معلقتين كبار حليب
ربع كوب جبنة رومي يعني 3 شرايح ونص جبنة رومي
مقطعين صغير اووي نفتفتهم بايدينا ان شاء الله
4 ملاعق كبيرة زبدة باااااردة - معلقتين كبار زيت
معلقة صغيرة ملح

ملحوظة هااااااامة حبيبااتي
لو مش حابين نعمله بالجبنة الرومي
ممكن بالجبنة الشيدر


ولو مش حابين برده جبنة شيدر ممكن نخليه بالملح بسس ويبقى بسكوت تاك بالملح


الطريقة في اقل من 10 دقايق ان شاء الله




نحط الدقيق والبكينج بودر
في بولة مع الزبدة الباردة والزيت
ونفرك الزبدة بايدينا في كل الدقيق
عشان يتشربها الدقيق وتكون الزبدة الباردة
زي حبات صغننة في الدقيق




ودلوقتي نحط الصفارة والجبنة الرومي اللي فرفتناها صغير بايدينا والحليب كماااان نحطه



ونعجن البسكوت كله مع بعضه زي كده لمدة 3 دقايق مش كتييير وهتكون العجينة طرية وحلووووة




ودلوقتي عالرخامة نرش بسيط دقيق ياااادوب وناخد قطعة من العجين زي كده




ونفردها كوووويس بالنشابة سمك يكون مش تخين ابدااا ولا رفيع اوووي بحيث البسكوت يتحرق بعييد الشر ان شاء الله


يعني يكون سمكها متوسط مش تخين ولا رفيع زي كده




ونجيب العجلة المشرشرة دي ونساوي اطراااف العجينة وممكن سكينة عادي




ولما نساويها وتبقى مستطيل متساوي نقطع شرايط بالطوول وبعدين مربعات عشان تبقى بسكوت مملح
ونعمل كده مع بقية العجينة واللي نخلصه نرصه في صينية مدهونة زيييت جنبنا
وماشاء الله الكمية دي بتعمل يجي 37 بسكوتة توك بالجبنة طعمه رهيييييب والله بجد سبحانك يااارب


ولما نخلص كل البسكوت نجيب عود الشوي ده او شوكة لو حاااابين طبعا اسهل
والجبنة الرومي باينة فيه وبتدي طعم تحححححححححفة ان شاء الله




ونخرم البسكوت بخروم عشوائية بالشوكة عشان يبقى شكله زي بسكوت توك وطبعا الخطوة دي
بتدي البسكوت هشاشة رهيييييبة وبتخليه يفضل بسكوت لاننا لو مش خرمنا البسكوت المملح بالشوكة
هينفش بالفرن ويبقى قاااابب ومش حلووو
وبعد مانخلص تخريم البسكوت بالشوكة ندخل صواني البسكوت المملح توك بالتلاجة لمدة نص سااااااااعة
عشان يبرد كويس اووي لان دي من العجاين اللي لازم تبرد قبل ماندخلها الفرن
عشان تفضل هشة ومقرمشة ان شاء الله

طريقة التسوية

نسخن الفرن حرارة 160 الى 170 حرارة هااااااادية لمدة 5 دقايق بسسس
ونحط الصواني عالرف الاوسط لمدة نص ساعة ان شاء الله
وطبعا حرارة هادية عشان البسكوت مايتحرقش ويستوي براحته



وبعد 25 دقيقة نفتح الفرن نشوف واحدة بسكوت مملح نرفعها من تحت ولونها دهبي وحلووو
يبقى استوى من تحت نطفي الناار من تحت ونولع الشواية عشان ياخد البسكوت لووون دهبي جمييييل
ومش بياخد اي وقت ان شاء الله ولما يستوي نسيبه تهدى حرارته في الصواني يجي ربع ساعة
ونقدمه بسس كده بفضل الله



ودي الكمية كلها مع بعضها



ودى صورة للتشويق




منقوووووووووووووووووول
الرجوع الى أعلى الصفحة اذهب الى الأسفل
http://knoz.alamontada.com/
سائرة على درب الصحابيات
مؤسسة المنتدى
مؤسسة المنتدى


عدد المساهمات : 162
نقاطى : 443
الموقع : http://knoz.alamontada.com/

مُساهمةموضوع: رد: بسكويت توك tuc   الأربعاء مايو 20, 2015 9:07 pm

Suspect
الرجوع الى أعلى الصفحة اذهب الى الأسفل
http://knoz.alamontada.com/
 
بسكويت توك tuc
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كنوز الجنة :: مملكتك :: مطبخك :: المعجنات-
انتقل الى: